Leef Vastelaovends vrun vaan ‘t Pothuiske.

Veer zien heij same gekoume um euze 1 x 11+4e prins vaan de Sjotelsplakke oet te rope. Oftewel euze 15e Hoeglöstigheid sinds eus opriechting in 2008.

’t Weurt al weer de veerde kier in euze Hoftempel. Veer daanke Coen en zien team daan ouch, tot veer eeder jaor toch weer hei trök mage koume. Merci!
Veer goon dr same ‘ne sjieke Vastelaovend vaan make, zeker met dizze nuije Hoeglöstegheid.

Dizze prins weurd weer ‘ne sjoene, eine um noets mie te vergete. Nao ’n paar weke prakkezere höbbe veer weer ‘ne gesjikte gevonde. Veer zien daan ouch weer euvertuig dat heer us op zjuste weis veur zal goon in dees prachtige daog. En dat heer ouch de Mestreechter Geis geluifwierdig aon eederein zal oetdrage, zoe wie ziech dat ‘ne wierdige prins betaomp.

Enfin…. Euver wee höbbe veer ’t noe?

Euze prins is ‘ne volblood Mestreechteneer. Heer is in 1977 geboren in t Aajd ziekenhoes en opgetrokke in Biesland.
Jongste vaan drei, in e fijn gezin met ma en pa. Pa is ‘ne bekinde Mestreechteneer es iech “rommedoe” zegk, weite zeker de awwer luij genog.
Nao de Stella Maris gong heer naor t Stedelik en heer heet gelökkig oeteindelik toch nog e diploma gehaold. Wel nao verlenging en penalty’s.

Neve zien weijere studie waor heer väöl aon t werrek in de Mestreechter horeca. Wee kint häöm neet daovaan??? De Clinique, Servaos, en nog mieh heilige huiskes in de Binnestad.

Muziek en pleetsjes dreijje deeg heer gere, heer heet de nudige verjaordaags fieskes opgeluusterd tot eederein oet zien plaat kos goon. Allerweil is heer en zien Bamboecheurs de fanclub vaan May…..koekoek!!!
Opppe graasvelde vaan wolder en daalhof had heer altied e neuske veur de gaol.
Dizze zier sociale mins klets uuch de oere vaan de köp…….. Heer zit in vaol vereiniginge, veural die boe niks moot meh alles maag.
Heer is al 8 jaor same met zien leeftallige vrouw. Es pa en bonuspa steit heer daag en nag klaor veur hun 4 kinder.

De Sjotelsplakke zienhäöm absoluut neet onbekend. T is noe hoeg tied um aon uuch euze nuijje Hoeglostigheid bekind te make. Hei is heer daan, de vijftiende prins vaan de Sjotelsplakke, dames en hiere veer prizzentere uuch:

PRINS Lester D’N ierste…

• Oetroepe
• mestreech
• pothuiske
• sjotelsplakke
• prins
• beer
• vastelaovend2023
• Lester d'n ierste