Leef Vastelaovends vrun vaan ‘t Pothuiske. 

Veer zien heij same gekoume um euze 12^e prins vaan de Sjotelsplakke oet te rope. 

’t Weurt de ierste kier in euze nuijen Hoftempel. Veer daanke Coen en zien team daan ouch, tot veer same, op dezelfde voot weijer kinne goon es wie veer dat geweend waore. Merci!

Heer heet us nog gehaold zjus veur de deadline vaan de transferperiode. T heet m ne flinke duit gekos. Veer goon dr same ‘ne sjieke Vastelaovend vaan make, zeker met dizze nuije Hoeglöstegheid. 

Dizze prins weurd weer ‘ne sjoene, eine um noets mie te vergete. Nao ’n paar weke prakkezere höbbe veer weer ‘ne gesjikte gevonde. Veer zien daan ouch weer euvertuig dat heer us op zjuste weis veur zal goon in dees prachtige daog. En dat heer ouch de Mestreechter Geis geluifwierdig aon eederein zal oetdrage, zoe wie ziech dat ‘ne wierdige prins betaomp. 

Enfin…. Euver wee höbbe veer ’t noe? 

Euze prins is ‘ne volblood Mestreechteneer.  Heer is in 1982 geboren aon de Rijershaag in De Heeg. Meh is opgegreujd tösse de krevatte en polo’s vaan Sint Pieter. Daor is heer bijmet zien broor en zuster opgegreujd bij zien leef awwers. En höbbe zien awwers ouch hun bes gedoon d’r get vaan te make. 

Heer waor altied boete te vinde: oppe St.Pietersberg,  in de grotte en achter de garaazjes op t veldsje. Heer heet vreuger eve geperbeerd um op hoeg niveau te voetballen (109m NAP), meh heer zoch liever naor de pieringe veur aon zien visgeert te haange. Heer waor zoewie zoe al väöl op en aon t water te vinde. Heer kump nog steeds gere bij Treech aon de Maos. Heer steit dekser op de lang latte, meh daan op t water.

 Es apekeutel vraot heer vaanal oet op de lieger sjaol. Heer maakde eederein bröl. Nao de middelbaar sjaol is heer veur kok goon liere. Oeteindelik is heer ‘ne aandere weeg in geslage boe heer noe hiel väöl duite met verdeend. Daan kinste ouch prins weure…..

  Heer heet hiel väöl interesses. Heer späölt nog gere met de Lego, um tot rös te koume. Heer bezeuk regelmaotig e festivalleke hei of daor. Heer geit t liefste met vrun vaanalles doen. Veur de Sjotelsplakke is heer zeker geine oonbekinde. Heer volg us al jaore trouw.

 Heer heet vreuger es germin in de aofwas gewerk, in de horeca vaan

 St Pieter. En drnao zellevers aon de kachel bij sjieke zake in Mestreech: Reube , Kuyp,Plaza…. En oeteindelik lang gewerk oppe Vriethof.

Zien huidige professie slut perceis aon bij de geis vaan de Sjotelsplakke: heer heet vaan ziene potsfiemel zien werk gemaak.

 Heer geit ziene leste Vastelaovend es vrijgezel met make. Want zoe wiet geer allemaol wet, zien al zien veurgengers onmiddellijk veroverd.

De Sjotelsplakke zienhäöm absoluut neet onbekend. Heer is regelmaotig te vinde bij eus activiteiten.T is noe hoeg tied um aon uuch euze nuijje Hoeglostigheid bekind te make.  Hei is heer daan, de twaalfde prins vaan de Sjotelsplakke, dames en hiere veer prizzentere uuch:

Prins Rachner d’n Ierste.

• Oetroepe
• vastelaovend2019
• mestreech
• pothuiske
• sjotelsplakke
• prins
• beer

Gelökkig nuijaor allemaol!!!

Vaanaof 18-1-2019 (precies 11 jaor nao euze opriechting) kriege veer daan eindelijk de sleutel vaan euze nuije hoftempel: café 't Pot(s)huiske!!!

Veer zien hei biezeunder gruuts op!!!

Haw euze kallepin en dee vaan 't Pothuiske in de gate veur eus vertrouwde activiteiten, zoe wie eus prins oetrope en 't kiene. Op naor de vastelaovend!!!

Zaoterdag 9-2 hawwe de Sjotelsplakke hun homewarming in hunne nuie hoftempel.

Geer zeet allemaol welkom vaanaof 21 oor, öm us nui stulpje café 't Pothuiske te kaome bekieke.

Veer zien daan ouch gruuts op us nui sjilderij vaan euze hoftempel, dat euze besjermhier Ludie Haenen vol euvergave heet gemaak!! Ludie bedaank!!!

• Oetroepe
• vastelaovend2019
• mestreech
• pothuiske
• sjotelsplakke
• prins
• beer

Leef Vastelaovends vrun vaan Jour de Fete.

Veer zien heij weer same gekoume um euze 11e prins vaan de Sjotelsplakke oet te rope.

Jour de Fete geit daan ouch zeine 11e Vastelaovend met make. Meh d’n ierste kier met ‘ne nuije hospes. Veer daanke hun daan ouch, tot veer same, op dezelfde voot weijer kinne goon. Merci!

Dizze prins weurd weer ‘ne sjoene, eine um noets mie te vergete. Nao ’n paar weke prakkezere höbbe veer weer ‘ne gesjikte gevonde. Veer zien daan ouch weer euvertuig dat heer us op zjuste weis veur zal goon in dees prachtige daog. En dat heer ouch de Mestreechter Geis geluifwierdig aon eederein zal oetdrage, zoe wie ziech dat ‘ne wierdige prins betaomp.

Enfin…. Euver wee höbbe veer ’t noe?

Euze prins is ‘ne volblood Mestreechteneer. Heer is geboren aon de Hierderweeg in Wyckerpoort/Wyckerveld. Daor is heer bij zien awwers same met zien breurke opgegreujd. En höbbe zien awwers hun bes gedoon d’r get vaan te make.

Heer waor in de buurt altied boete te vinde. Heer heet vreuger eve geperbeerd um te voetballen, meh heer zoch liever naor de pieringe es tot heer achter de bal aon rende. Weijer heet heer ouch gevolleybald en allerweil werk heer aon zien pans door te Crossfitte. Zoetot ziene horecaspoiler binne de perke blijf.

Op de lieger sjaol jaogde heer vreuger neet de lierkrach op de kas, meh zie jaogde häöm op de kas. Es heer weer ’ns neet had zitten op te letten, zatte zie häöm bove op n kas. Hadde zie eve gein las vaan häöm.
Heer had hiel väöl interesses. Meh die laoge neet op sjaol. Gelökkig is dat later allemaal good gekoume. Daankzij zien prinses. Heer is in de internationale handel terech gekoume. Nein, gein veis foute dinger. Allemaal legaal. Heer is hiel blij met de aonstaonde oetbreijing op Beek. Daan kin heer nog get mie spulle euver de ganse wereld laote vervoere.

Heer heet vreuger es germin in de aofwas gewerk, bij de gekste chef dee in Mestreech heet rond geloupe. Denao is heer oppe Vriethof beland bij de Britannique, door deeg heer de afwas en verzörgde t ontbijt veur de gaste. Bij D’n Dikke heet heer ouch flink get eurkes gedreijd in de keuken. Denao is heer
Mestreech, 20 jannewarie 2018
op n ander meneer goon dreije, en liet heer de luie de puu vaan de vloer
hoolle. Dat deit heer nog steeds.

In ziene vrije tijd helt heer vaan e lekker stukske vleis te bereije. Dit deit heer
op ‘ne BBQ. Heer deit zellevers met aon wenstrijde in binnen en boeteland.
Met success. Zien vrun houwe zich veur zien hamburgers en ribkes. Lek vinger
lek doum.

Heer heet ’n geweldige prinses die veur 100% achter häöm steit. Zie höbbe
same al eine geweldige germin en den twiede is op koms. Hawt uuch vas!

Jour de fête is häöm absoluut neet onbekend. Heer is hei regelmaotig te vinde.
Zoewel um te preuve es um te werke. Heer huurt bij de hoesraod vaan de Jour
de Fete Vastelaovend. T is noe hoeg tied um aon uuch euze nuijje
Hoeglostigheid bekind te make. Hei is heer daan, de elfde prins vaan de
Sjoteslplakke, dames en hiere veer prizzentere kuch:

Prins Sjer d’n Ierste.

In ’t daogeliks leve beter bekind es Michael Göbbels. Heer woent same met
zien prinses Chantal aon de Mandelborg in De Heeg. Same höbbe zie al eine
zoon, Seb. Meh d’n twiede germin is al op koms.
Heer werk bij Schenker aon ’t vleegveld in Beek. Heer regelt alles rontelum
vervoer door de loch. Meh daoneve dreijt heer ziech döl es DJ. Daordoor is
heer geine oonbekinde vaan Jour de Fête en de Sjotelsplakke. Vastelaovend zit
in zien kneuk.

Titelatuur:

Disc Jockey fanaticus

Bourgondicus tot in extremicus

BBQ Carnivoricus

Besjermhier vaan de extra lang landingsbaon vaan Beek

Groethertog vaan De Heeg

Mestreech, 20 jannewarie 2018

Knoevelepie vaan Prinses Chantal

Levend veurbeeld veur Seb en grummel

Protekteur vaan de Jour de Fete Vastelaovend

Prins Sjèr d’n Ierste!!!!