Leef Vastelaovends vrun vaan ‘t Pothuiske.
Veer prizzentere uuch alweer euze 1 x 11+5e prins vaan de Sjotelsplakke. Oftewel euze 16e Hoeglöstigheid sinds eus opriechting in 2008 in Café Jour de Fete oppe Merret. Meh ’t weurt al weer euze vijfde kier in euze huidige Hoftempel Café 't Pothuiske.
Op ‘ne vriedagmiddag in December in t intiemste heukske vaan t Pothuiske höbbe veer häöm gevraog. Heer hoofde neet laank te prakkezere en zach metein volmondig jao op eus vraog.
Dizze prins weurd weer ‘ne sjoene, eine um noets mie te vergete. Nao ’n paar weke prakkezere höbbe veer weer ‘ne gesjikte gevonde. Veer zien daan ouch weer euvertuig dat heer us op zjuste weis veur zal goon in dees prachtige daog. En dat heer ouch de Mestreechter Geis geluifwierdig aon eederein zal oetdrage, zoe wie ziech dat ‘ne wierdige prins betaomp.
Enfin…. Euver wee höbbe veer ’t noe?
Euze prins is ‘ne volblood Mestreechteneer. Heer is in 1976 geboren in Nazareth bove de SPAR en groet getrokke op Daalhof.
Ajdste vaan drei toes, in e fijn gezin met ma en pa. Pa maakte t noets leuker meh wel mekilikker veur eederein en mam heelp altied euveral met op sjaol en boe nog mieh.
Nao 2 jaor op t Trichter College vertrok heer met zien awwers naor Aruba. Nao e paar jaor woort heer international veur t Nationaal Arubaans elftal, met es hoegtepunt ziene winnende gaol tege Venezuela. Op zien 18e trök naor Mestreech, trök naor zien roots. En oeteindelik de 7 jaorige Havo aofgerond. Daornao naor de Pabo want daor leepe väöl vrouwlui roond, later begreep heer wel tot dat beteikende dat heer ouch met kinder moos goon werreke.
Neve zien studie waor heer väöl aon t werrek in Sportshop Relax oppe Merret. Heer voetbalt al vaan jongs of aon op de velde vaan Wolder en heer altied e neuske veur de gaol. Heer is daor zellevers Hoeglöstigheid gewees vaan die manne in t zwart/wit.
Heer is al … jaor same met zien leeftallige vrouw en höbbe same 2 prachtige dochters.
De Sjotelsplakke zienhäöm absoluut neet onbekend. T is noe hoeg tied um aon uuch euze nuijje Hoeglostigheid bekind te make. Hei is heer daan, de zestiende prins vaan de Sjotelsplakke, dames en hiere veer prizzentere uuch:
PRINS Ravian D’N ierste…
In t daogeliks leve bekend es Ravian Close. Getrouwd met Judith en gruutse pa vaan 2 prachtige döchter: Isa en Fenna. En is 'ne echte femiliemaan. Neve 't hoeshawwe werk heer es directeur op twie basissjaole: De Talententuin en de Montessorisjaol. Beide sjaole valle onder 't bestuur vaan Mosalira. Zien groetste hobby is voetballe en heer is al jaore laank te vinde oppe velde (en de kantine) vaan Leonidas.
TITELATUUR
Directoricus Talenticus en Montessoricus
Besjermhier vaan t inclusief onderwies in Mestreech
Heerser met d’n houten liniaal en………… t krietsje
Team motivaticus, in extremus verbindicus
Groetopzichter vaan de höfkes vaan Hertogdom Daalhof.
Ski, meh veural apes-ski spartanicus
Bourgondicus op t gebied vaan onbeperk spare-ribs en de laopende buffette
Veurpreuver vaan de borrelhepkes van T Pothuiske......... en doech daor nog ‘ne gehaksbal bij
Fienpreuver van de Gerardus Blond op t vaat bij Coen
Ambassadäör vaan Vastelaovend in t Jekerketeer
Veurvechter vaan de Mestreechter taol;
Protekteur vaan de Mestreechter Vastelaovend
Prins Ravian d'n ierste!!!!
Aon de geng
Login Form
Vrun vaan de Sjotelsplakke
